on PR!DE

Para kay “mare”, na karamay mo sa lungkot man o ligaya, basta may bottomless ng san mig light

Para kay “mamu”, na siyang nag sisilbing ina ng barkada, as in ina ng laging saklolo

Para kay “ateng”, na siyang palagiang gumagabay sayo, mapa-dark room man or sa maze, dry or wet sauna nung first time mong mag “CB”

Para kay “dude”, na discreet top ang drama kahit na kasing haba ng flyover sa edsa ang mga pilantik ng daliri.

Para kay “bro”, na madalas sa fitness first hindi para mag pump ng muscles, kung hindi para manood ng mga nagpa-pump ng muscles

Para kay “tsong”, na patuloy na hinahalugad ang internet sa kahahanap ng seryosong relasyon.

Para kay “Diego”, na walang magawa kung hindi tanggapin ang katotohan na siya ang bagong pambansang mukha ng isang katawa-tawang bakla.

Para sa mga “Marcova”, na napaglipasan na ng panahon na ang tanging karamay ay ang mga gunting at suklay

Para sa mga “Ada”, na patuloy na nagmamahal sa mga “derecho” sa kabila ng walang kasiguraduhan na mamahalin din sila nito.

Para sa mga “Didi”, na patuloy sa pagiging matapat na kaibigan

Para sa mga doctor, inhinyero, abogado, guro at iba pang mga propesyonal na hindi makapamuhay ng “Malaya” dahil sa pangamba sa magiging reaksyon ng mga tao sa paligid niya.

Para sa mga doctor, inhinyero, abogado, guro at iba pang mga propesyonal na namumuhay ng “Malaya” dahil pinatunayan nila na ang bakla ay hindi pang-parlor lamang.

Para sa best friend mo, na mas naging lalaki pa kaysa sa boyfriend mo nung panahon na nabuntis ka at iwanan nito.

Para kay kuya, na nagsisilbing ama sa kanyang mga kapatid

Para sa anak, na madalas maging shock absorber ni ina sa paghihirap sa pagtataguyid ng pamilya.

Para sayo, na patuloy na nagbibigay ng kaligayahan sa mga tao sa paligid mo kahit na hirap kang mahanap ang kaligayahan para sa sarili mo.

 

HAPPY PRIDE MONTH

~ by KUR!SU on June 30, 2008.