Orbit: d (mis)adventure Part 2

Tumakbo si Romnick sa kusina (hindi para mag midnight snack, pero hinala ni sheryl ay kukuha din ito ng kutsilyo), nakakuha ng pagkakataon si Sheryl na makatakbo sa main door, pero ng buksan niya ang pinto ay naka-lock pala ito. Pero, pero, pero swerte pa rin ang ating bida dahil ang susi ay nakatusok lamang sa door knob ng pinto, kaya nabuksan din niya ito at tuluyang nakatakbo papalabas ng bahay.

 

 

DEAD-end

Nakatakbo palabas si Sheryl ngunit sa pagmamadali ay ibang dereksyon ang tinahak niya, sa halip na direksyon katulad kanina nung papunta palang sila, kung saan dalawang tumbling lang ang lapit ng main gate ng subdivision sa bahay ni kuya. Tumakbo siya patungo sa kabilang direksyon ng kalsada, madilim at parang walang buhay. Lumingon siya habang tumatakbo, at nakita niya si Romnick palabas ng bahay, may dalang chain saw (ay kutsilyo lang pala) kaya run-barbie-run ang eksena ng ating bida (with matching background music hango sa isang pelikula kung saan ang bidang babae ay hinahabol ng lalaki para gahasain). Napadpad siya sa madilim na parte ng subdivision, masukal, maraming puno, maraming wild animals,ching!. Maraming kotseng nakaparada sa kalye, naisip niyang magtago sa ilalim ng isa sa mga kotse, pero kung sakaling mahuli siya ni Romnick, siguradong puri niya ang mawawala. Nagpasya siyang patuloy na tumakbo (for more cardio exercise ito), kailangan niyang makatakas at makalabas ng subdivision. Hinubad ni Sheryl ang pirated na prada stilettos nya at walang humpay na tumakbo suot lamang ang kanyang itim na stockings. Takbong walang lingunan, naririnig niya ang mga umaandar ng jeep sa kabilang pader ng kalsada, tanda na may buhay sa kabila ng bakod. Narating niya ang dulo ng madilim na kalsada, ngunit may isang napakalaking gate na nakaharang (higit-kumulang 10 talampakan ang taas, yung purong bakal na walang butas, hindi tipikal na rehas na gate). Laking tuwa ni Sheryl, sa wakas makakalabas na siya. Pinutahan niya ang main gate ngunit naka-kandado ito, nakita niya ang pedestrian gate sa kanan at tinakbo ito, naka-pad lock din (this time ang background music naman ay hango sa horror film kung saan ang bida ay hinahabol ng monster at kung kailan nakakita siya ng pagkakataon makatakas, deadend pala)

 

 

Giant Leap

Bumalik siya sa gitna ng main gate at sinilip ang siwang nito, main street ang nasa labas at may mga nag-dadaanang mga jeep at sa bandang kaliwa sa labas ay  may isang saradong commercial establishment na may dalawang guardian angel (guardia) humingi siya ng saklolo dito, at sinabing may humahabol sa kanya. Wala naman magawa ang mga guardia sibil dahil wala silang susi ng gate (moral support lang ang nai-alok nila sa mga oras na iyon). Wala nang maisip ang ating bida, wala na siyang ibang choice, kailangan niya makatakas,  pumulot siya ng bato sabay sigaw ng darna (pero wa effect  ang bato), umikot siya ng tatlong beses sa pag-aakalang magbabagong anyo siya bilang si wonder woman (at sa paghinto niya sa pag-ikot ay siya namang nagsimulang umikot ang mundo sa paligid nya, bad idea! sabi nya). Bagamat hindi na nya makita si Romnick kung hinahabol pa ba siya, huminga siya ng malalim at pinilit na  inakyat  ang gate (sporty ang ating bida, kung kanina marathon, ngayon naman hurdles) salamat sa girl power (at sa Enerva) at matagumpay niyang na-akyat ang gate at dahan-dahan siyang bumaba sa kabila nito.

 

Guardian Angels

Sumisilip na ang araw ng mga oras na iyon. Pinapasok si Sheryl ng dalawang guardia sibil sa loob ng opisina nila at na-i-kwento nito ang buong pangyayari. Nag-suggest naman ang mga guardia na magsuplong siya sa pulis at ipa-blotter ito dahil baka maunahan pa siya ni Romnick at baligtarin ang mga pangyayari at akusahan pa siya na pang-a-akyat bahay (napaka un-glamorous naman diba, sa dinami-dami ng pwedeng i-kaso sayo, akyat-bahay pa). Super bait naman ang mga guardia sibil at pinasamahan siya sa (cutie) na boy nila upang pumunta sa presinto. Hindi tinanggap ng unang presinto ang statement ni Sheryl dahil hindi daw nila jurisdiction iyon (at wala syang dalang proof of purchase), Itinuro siya sa kabilang presinto, nagpasalamat si Sheryl sa boy at sinabing bumalik na lang ito at siya nalang mag-isa ang pupunta sa kabilang presinto. Ikinewento muli ni Sheryl ang mga pangyayari sa pulis sa kabilang presinto at pinasulat siya sa logbook (na hindi mawari kung listahan ba ng pautang o pataya sa jueteng) Ibinigay din niya ang putol na blade na ginamit niya kanina. Sinabi ng pulis na parorondahan nila ang lugar na binanggit ni Sheryl, pero sa isip-isip nya, baket hindi siya isama ng mga pulis para maituro niya ang eksatong lugar. Pero masyado nang napagod ang ating bida, kaya nagpasyang mag-paalam na at umuwi na lamang.

 

Si Father

At dahil linggo na nang umaga noon, nagpasya si Sheryl na dumerecho sa simbahan bago umuwi sa kanilang bahay. Gusto niyang magpasalamat sa panibagong buhay na ibinigay sa kanya. AT pagkatapos ng misa ay nilapitan niya si father para nangumpisal, may I admit naman ang ating bida kay father ng kanyang tunay na kulay, at na-ikwento niya ang mga nangyari ng nakalipas na magdamag. Mabait naman si father at naintindihan ang kanyang pagkatao, nagpayo pa si father na kesyo sa susunod daw ay wag na itong sasama sa mga hindi niya kilala na parang  “have a few dates before sex” or something to that effect ang gustong sabihin ni father. Marami pang sinabi si father, at ang farewell message niya kay Sheryl ay “alam ko may trauma ka pa, normal lang yan sa mga susunod na araw, ngayon kung kailangan mo ng makakausap nandito lang ako, pero kung tawag ng laman ang kailangan mo (nandito din ako, ching!) ay ibang usapan na iyan”. Nagpaalam na ang ating bida upang umuwi at magpahinga.

 

Dahil sa mga nangyari, malaki ang trauma na naiwan sa isipan ng ating bida. Takot na umabot ng halos dalawang buwan, dalawang buwan bago ulit niya nakayanang makipag-dukit sa iba.

 

The End

~ by KUR!SU on May 26, 2008.